Viaxe ás covas do Folón

Viaxe ás covas do FolónEstá a piques de comezar unha fantástica viaxe no tempo desde as Covas do Folón, toda unha aventura na que poderás coñecer a verdadeira historia de Vigo, os nosos tesouros e os segredos da nosa lingua. Buscamos candidatos para subir na máquina do tempo. Se es estudante de 2º ou 3º Ciclo de Primaria dalgún centro de ensino de Vigo poderás participar no concurso de debuxo dos protagonistas do videoxogo que subirán na máquina do tempo.

Así se presenta na web o proxecto Viaxe ás Covas do Folón. Unha iniciativa das concellarías de Xuventude e Normalización Lingüística do Concello de Vigo, que están a desenvolver o videoxogo do mesmo nome, Viaxe ás Covas do Folón, aventura virtual arredor da historia de Vigo e o seu patrimonio cultural e lingüístico.

Ao fío, convidan o estudantado de 2º e 3º ciclo de primaria dos centros de ensino municipais a participar nun concurso de debuxo coa fin de darlle imaxe aos protagonistas do videoxogo.

O prazo remata o 20 de febreiro de 2011.

COMPARTIR

Deixar un comentario

Por favor, introduce o teu comentario!
Por favor, introduza o seu nome aquí

*