O portal da comunidade mundial de profesorado de francés, Franc-Parler, organizou un certame de fotografía para alumnado de francés de todo o mundo. A convocatoria propoñía realizar fotografías de vivendas próximas, no contorno onde vive cada un dos rapaces, adxuntando canda elas unha descrición da zona e unha galería de imaxes.
Tal e como recolle a bitácora da biblioteca do IES Xograr Afonso Gómez, a estudante Lucía Rodríguez, que cursa 4º da ESO neste centro, gañou o terceiro premmio do certame fotográfico coa súa estampa titulada “Villa Triste”. En primeiro lugar quedou a imaxe chegada de Palestina, obra de Nour Samara, co título ‘C’était une maison’. O segundo posto foi para a fotografía feita por dúas alumnas dun instituto de Vilareal co título ‘Maison métaphore’.
Velaquí podedes ver os gañadores do concurso de Franc-Parler.
