O sábado 3 de setembro, Adega traslada a Palas de Rei a actividade da Eira da Xoana.
Santiago de Albá, no Concello de Palas de Rei, é o destino escollido desta volta para a actividade que os primeiros sábados de mes organiza Adega e a Eira da Xoana. Unha actividade dinamizadora da cultura rural a través da participación activa da cidadanía.
Con esta actividade, trátase de aproximarse ao pasado do rural galego e reflexionar sobre as vías de ruralidade no presente. Haberá tamén espectáculo teatral, xantar con produtos elaborados por xente que traballa no rural na actualidade e romaría tradicional que pechará o evento. Ademais dunha mostra de artesanía alimentaria e oficios artesáns.
- PROGRAMA:
- 10.00 h => Encontro na Eira para irmos todos xuntos a Santiago de Albá
- 10.30 h => Roteiro teatral : o monte, o lavadoiro, o forno, a lareira, a escola e o tundal
- 14.30 h => Xantar na aldea con María Castaña
- 16.30 h => Sega/Malla
- 19.00 h => Romaría/Concerto de Música Folk: Agrupación Musical Buxaina e A QUENLLA
Máis información sobre a Eira da Xoana