Tenda en liña mantida por unha nai galega que proporciona recursos para a aprendizaxe manipulativa de distintas materias.
Mónica deseña e elabora materiais diversos para os seus propios pequenos e, froito desa actividade de ensino doméstico, decidiu compartir recursos e á vez tratar de axudar na economía familiar poñendo en marcha unha pequena tenda en liña de materiais imprimíbeis. Están accesíbeis en galego, castelán, catalán e éuscaro e, pouco a pouco, tamén o estarán en portugués e inglés.
Propostas para a volta ao cole e para o establecemento de rutinas diarias á volta das vacacións. Recursos para lectoescritura, matemáticas e coñecemento do medio… A web está chea de propostas saídas directamente da práctica diaria e aplicadas exitosamente no seu fogar pola propia creadora dos materiais.
Podedes visitar a iniciativa no espazo web Educativos Meninheira
