Programa de detección da xordeira en período neonatal

Programa de detección da xordeira en período neonatalNo primeiro semestre deste ano participaron ao redor de 9.000 recen nados en toda Galicia, co que a iniciativa acada o 99% de cobertura.

Subliñan desde Sanidade que a importancia desta proba é fundamental, xa que un diagnóstico precoz pode evitar as secuelas comunicativas, psicolóxicas e sociolóxicas da xordeira, e o momento máis eficaz da detección das deficiencias auditivas é antes das 48 horas de vida do recén nado. Na actualidade, o programa xa está introducido, ademais de en todos os hospitais públicos da rede do Sergas, en seis maternidades privadas.

A ausencia do estímulo auditivo durante os tres primeiros anos de vida ten efectos adversos sobre o desenvolvemento do sistema nervioso central, dificulta a aprendizaxe da linguaxe, e impide a aparición da fala, provocando, polo tanto, alteracións posteriores no desenvolvemento social, emocional, cognitivo e académico da nena ou neno. Esas consecuencias pódense minimizar mediante a intervención temperá a través da aplicación do tratamento médico-cirúrxico, e a rehabilitación protésica e foniátrica axeitada segundo cada caso.

Estímase que en Galicia nacen cada ano entre 20 e 40 nenos con déficit auditivo. A maior parte destes déficits auditivos permanentes xa están presentes no período neonatal (0-28 días), o que posibilita que poidan diagnosticarse precozmente.

A aceptación do programa por parte dos pais e das nais segue a ser moi alto, xa que nestes seis primeiros meses do ano, dos 8.994 recen nados nos hospitais públicos do Sergas, 8.880 realizáronse as probas. Destes, 29 foron derivados ás unidades de diagnóstico para o seu estudo e confirmación diagnóstica.

Os centros sanitarios privados de Povisa, Pintado e Fátima, todos eles de Vigo; Santa Teresa e Belén da Coruña, e La Rosaleda de Santiago, xa forman parte desta iniciativa, quedando unicamente por incorporarse a maternidade privada do Hospital Miguel Domínguez de Pontevedra, e conseguir, deste xeito, o 100% da cobertura.

Deixar un comentario

Por favor, introduce o teu comentario!
Por favor, introduza o seu nome aquí

*