Orixes, cinco fitos da evolución humana

Orixes, cinco fitos da evolución humanaA exposición permanecerá aberta na Coruña deica o 1 de novembro.

Promovida pola Fundación La Caixa chega á Coruña esta exposición itinerante que pode visitarse desde esta mesma semana nos Xardíns de Méndez Núñez.

A aventura humana, desde a aparición do home sobre a Terra, é efémera se a comparamos cos 4.600 millóns de anos de existencia da Terra, e mesmo cos 65 millóns de anos que transcorreron desde a aparición dos primates. As investigacións científicas han ir esclarecendo o misterio das nosas orixes. A evolución humana aparece como un proceso longo e complexo con máis de quince especies e moitas ramas sen descendencia.

Na exposición “Orixes. Cinco fitos da evolución humana” preténdese explicar o estado actual deste intrincado panorama, así como recrear mediante esculturas e escenografías algúns episodios da evolución humana. Estes 5 momentos ou fitos na historia da nosa existencia son os que articulan os distintos ámbitos da exposición. Na nosa viaxe ao pasado, iniciado fai 4 millóns de anos cos primeiros homínidos bípedos, asistiremos á creación das primeiras ferramentas de pedra fai 2,5 de millóns de anos, á conquista do lume fai uns 400.000 anos, á conciencia sobre a propia existencia e os primeiros enterramentos hai 120.000 anos, e á eclosión da arte fai só uns 35.000 anos.

Deixar un comentario

Por favor, introduce o teu comentario!
Por favor, introduza o seu nome aquí

*