Deica o 31 de outubro permanece aberto o prazo do certame organizado pola Fundación Neira Vilas.
Estimular a creación poética e achegar a nenas e nenos ao fermoso mundo da lírica é o obxectivo que subliñan desde a Fundación Neira Vilas ao fío desta convocatoria.
Cada libro que se presente ha de conter un mínimo de 350 versos. O premio ten unha dotación de mil euros ademais da publicación da obra premiada a través de Edicións Embora.
Información e bases do Premio Arume na web da Fundación Xosé Neira Vilas.
