A Coordinadora de ENDL organiza videoconferencias coincidindo co II Día da Ciencia en Galego.
Con motivo da celebración do II Día da Ciencia en Galego o vindeiro venres 4 de novembro, a Coordinadora Galega de EDNL convida a todos os centros educativos non universitarios a participar en dúas videoconferencias vía web, na que destacados investigadores galegos da Universidade de Santiago de Compostela achegarán temáticas de interese curricular para o noso alumnado e os proxectos científicos que desenvolven na actualidade. Ademais de seguir a videoconferencia, os centros escolares que desexen participar terán a posibilidade de interaccionar con eles vía chat a través dunha sala virtual de fácil manexo
Ángel Carracedo, catedrático de Medicina Legal e director do Instituto de Medicina Legal e do Grupo de Medicina Xenómica da Universidade de Santiago, será o encargado de falar para as aulas de Secundaria, co relatorio titulado “Aplicacións da investigación xenética: o seu uso na práctica policial”
Para as aulas de Primaria falará Isabel Fraga, profesora e membro da cátedra de Botánica da USC e directora do Museo de Historia Natural da universidade, na conferencia titulada “O valor dos bosques na sociedade actual: os seus compoñentes, as árbores; a súa conservación e o seu aproveitamento sostible”
Máis información e inscricións na web da Coordinadora Galega de EDNL: Xornada pola ciencia en galego
