Coincidindo co Nadal, datas nas que aumenta considerablemente a venda de xoguetes, a Comisión Europea lanza a Campaña Europea pola Seguridade dos Xoguetes. O obxectivo desta campaña é garantir que todos os xoguetes, ademais de divertidos, sexan seguros e correctamente utilizados.
A campaña vaise centras nas recomendacións a ter en conta á hora de mercar xoguetes. Terá presencia en cadeas de televisión de toda Europa e os consumidores recibirán follas informativas nas tendas.
Principais recomendacións:
- Compre xoguetes que posúan o selo CE que acredita que o produto cumpre todas as normas de seguridade da UE aplicables.
- Non compre xoguetes que conteñan pezas pequenas a nenos menores de tres anos xa que existe o risco de asfixia.
- Lea as advertencias e instrucións.
- Poña atención aos nenos mentres xogan comprobando que o neno utilice os xoguetes do modo previsto.
- Compre en tendas ou provedores de confianza.
- Informe ao fabricante ou ao vendedor dos problemas de seguridade dun xoguete.
VÍDEO: