‘Noites abertas’, en Pontevedra

'Noites abertas', en PontevedraXIII edición deste programa de actividades deica o próximo mes de maio.

Actividades deportivas, culturais, formativas, obradoiros, desenvolvemento persoal…. A convocatoria do Concello de Pontevedra abriuse á propia mocidade, que achegou até 130 propostas das que se elixiron 86. Participarán 18 asociacións, 10 colectivos informais xuvenís, 13 propostas individuais e 14 empresas. Entre outras iniciativas: inglés para viaxar, masterclass de danza moderna, calceta e ganchillo, cartomaxia e ilusionismo, relaxando corpo e mente, curtas con Stop- Motion, obradoiros de fotografía, baile latino, Pilates Matt, reciclaxe creativa, etc…

Na súa última edición o programa contou cunha media de 307 persoas por fin de semana, e acadou unha participación total de 4.913 mozos e mozas, ofertando unha ampla variedade de actividades deportivas, ambientais, de manualidades, xogos e musicais. O programa Noites Abertas comezou o pasado 3 de febreiro e chegará até o 26 de maio. As actividades distribuiranse entre o Pavillón Multiusos da Xunqueira, a Casa Azul, o Colexio Froebel e o Local de Música, o Teatro Principal, o Campo de herba sintética, ademais da praza da Peregrina e a senda do Gafos.

Deixar un comentario

Por favor, introduce o teu comentario!
Por favor, introduza o seu nome aquí

*