En Vilanova dos Infantes o 17 de maio. Homenaxe aos oficios e gremios tradicionais galegos.
XI Romaría Etnográfica “Raigame”, un evento que cada ano reúne a miles de persoas nunha multitudinaria homenaxe ás tradicións galegas.
O burgo de Vilanova dos Infantes encherase de cesteiros, zoqueiros, oleiros, zapateiros, palilleiras, ferreiros e demais oficios tradicionais. Nesta edición, “Raigame” entregará o premio “Xan de Barros”, que anualmente concede a institucións ou organismos que traballan a prol da defensa das tradicións culturais e etnográficas, ao programa da TVG “Alalá”.