Inicio » Solidariedade » Día Mundial do Comercio Xusto

Día Mundial do Comercio Xusto

Día Mundial do Comercio XustoO vindeiro sábado 12 de maio, con actividades de sensibilización en diversos lugares.

Xornada lúdica e festiva que será protagonizada polas ONGD que forman parte da Comisión de Comercio Xusto da Coordinadora Galega de ONG para o Desenvolvemento (CGONGD), por cooperativas de produción ecolóxicas, cooperativas de consumo responsable, banca ética, etc. O obxectivo será amosarlle á cidadanía que existen alternativas de consumo reais en Galicia que non dependen de intermediarios/as, que son ecolóxicas, xustas e de tempada.

Este ano as actividades levaranse a cabo en cinco cidades (A Coruña, Lugo, Ourense, Pontevedra e Vilagarcía) e contarán coas participación de seis ONGD integradas na Comisión de Comercio Xusto: A Cova da Terra, Intermón Oxfam, Labañou Solidaria, Panxea, Solidariedade Internacional e Taller de Solidariedade.

A CORUÑA: FEIRA DE CONSUMO ALTERNATIVO
Lugar: Praza de Pontevedra
Horario: 11:00 a 20:00 horas
Participantes: Intermón Oxfam, Labañou Solidaria, Solidariedade Internacional, Cooperativa de Consumo Responsable Zocamiñoca, Fiare Banca Ética, Cooperativa de produtoras Millo e Landras, Cooperativa de produtoras Horta do Sacho, Cooperativa de produtoras Val del Barcia.
Actividades:
12:00 ‘Que é Consumo Responsable?’ Falaremos con Zocamiñoca e as produtoras de Millo e Landras, a Horta do Sacho e Val del Barcia.
13:00 ‘Como funciona a Banca Ética?’ a cargo de Fiare
16:30 ‘Por que Comercio Xusto?’ Falarán Intermón Oxfam, Solidariedade Internacional e Labañou Solidaria.

LUGO. MERCADO POPULAR NA PRAZA MAIOR
Lugar: Praza do Concello
Horario: 12:00 a 20:00 horas
Participantes e actividades: Coordina A Cova da Terra. Na Feira haberá máis de 40 postos de venda de produtos do Comercio Xusto, produtos locais, artesanía e degustación, un mercado de troco e outro con información sobre banca ética e alternativa.

OURENSE
Lugar: Rúa do Paseo
Horario: 11:00 a 20:00 horas
Participantes: Solidariedade Internacional, Taller de Solidariedade
Actividades: 18:30 Conta contos

PONTEVEDRA
Lugar: Praza de Ourense
Horario: 11:00 a 20:00 horas
Participantes: Solidariedade Internacional
Actividades: 17:00 a 20:00: Obradoiros e xogos infantís

VILAGARCÍA DE AROUSA
Lugar: Praza de Galicia
Horario: 10:00 a 14:00 horas
Participantes:
Solidariedade Internacional

Máis recursos na web da Coordinadora Galega de ONG: GaliciaSolidaria.org

Deixa unha resposta

O teu enderezo electrónico non se publicará Os campos obrigatorios están marcados con *


*

Podes utilizar estas etiquetas e atributos HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>