Organizada polo CEIDA, o vindeiro 3 de xuño.
Os participantes poderán contribuir á preservación da costa oleirense eliminando plantas invasoras, recollendo os residuos abandonados na zona e visitando o Centro de Interpretación do Monumento Natural.
A actividade organizada polo Centro de Extensión Universitaria e Divulgación Ambiental (CEIDA) está enmarcada dentro do proxecto “Coidando o Noso Mar”, que pretende involucrar á poboación do litoral na conservación do seu entorno, mediante accións de educación ambiental encamiñadas a mostrar a biodiversidade mariña, os problemas que afectan a estes espazos e as súas posibles solucións.
