Moito camiño por percorrer para protexer os menores das violacións aos seus dereitos humanos fundamentais.
Hai xa dous anos que a comunidade internacional adoptou, no marco da Organización Internacional do Traballo (OIT), unha folla de ruta para a eliminación cara ao 2016 das peores formas de traballo infantil. Segundo a OIT, ponse de manifesto que queda moito camiño por percorrer nese desafío.
Os nenos que son vítimas das peores formas de traballo infantil atópanse expostos a maltrato físico, psicolóxico ou moral que pode causarlles danos para o resto das súas vidas. Ao entraren no mercado laboral prematuramente prívaselles da educación e capacitación necesarias para que eles, as súas familias e as súas comunidades saian do ciclo de pobreza no que se encontran. Estes nenos e nenas deberían estar na escola recibindo educación e adquirindo habilidades que os preparen para acceder a un traballo decente na súa vida adulta.
A OIT estima que no mundo hai cando menos 215 millóns de nenos e nenas vítimas do traballo infantil e que máis da metade destes están involucrados nas súas peores formas.
Por todo isto, neste Día Mundial, a OIT exhorta a:
- Á ratificación universal dos Convenios da OIT sobre o traballo infantil (así como o resto dos convenios fundamentais da OIT)
- A adopción de políticas e programas estatais que garantan un progreso efectivo na loita contra o traballo infantil
- A posta en marcha de iniciativas para ampliar o movemento mundial contra o traballo infantil