Maxia no San Froilán

O patio do Seminario Menor acollerá catro galas de maxia os días 7, 8, 9 e 12 de outubro.

En total serán 20 os magos chegados de Galiza, Brasil e varios lugares do Estado español os que actúen durante as festas en distintos puntos da cidade. O escenario principal será no patio do Seminario Menor, que acollerá 4 galas os días 7, 8, 9 e 12 de outubro, todas elas de balde. O domingo 7 terá lugar a Gala San Froilán, presentada polo Mago Cali (Vigo) e actuacións do Mago Rafa (Lugo), Javi Benítez (Sevilla), Luis Manuel (Granada) e Caíto (Madrid). Ao día seguinte será a Gala Magos de Lugo, presentada por David Méndez e na que actuarán os magos Toño, Tomás, Carlos e Manuel Lamas. O día 9 celebrarase a Gala Unipersonal a cargo Lipán JR, chegado de Brasil. Por último, o día 12 terá lugar a Gala Magos Galegos, presentada polo Mago Antón e na que actuarán Kiko Pastur, Román García, Martín Varela e o Mago Mimo Anllo.

Ademais destas catro galas, haberá maxia de rúa na Rúa da Raíña os días 7, 8 e 9 de outubro ás 12 da mañá e as 6 da tarde a cargo do Mago Caíto. Tamén estará instalado durante todas as festas o Mago Móbil, un camión que estará situado na baixada á Praza de Santa María e polo que irán pasando distintos magos a facer os seus espectáculos. Cunha capacidade para 60 persoas en cada pase, acollerá 7 funcións diarias ás 12, 13, 17, 18, 19, 20 e 21 horas.

COMPARTIR

Deixar un comentario

Por favor, introduce o teu comentario!
Por favor, introduza o seu nome aquí

*