Desde OQO recórdannos as propostas da súa colección para estes días de Samaín.
Seis barbudos entraron nunha panadería e o panadeiro caeu do susto. Logo visitan unha carnicería, unha xoguetería, unha tenda de disfraces, unha libraría e unha pastelería, causando terror e desconfianza en todos os lugares. Pero o temor é infundado… Un relato de Mar Pavón con ilustracións de Vitali Konstantinov: os Seis barbudos é unha das propostas da editorial OQO para o Samaín.
Tamén moi xeitosa para estes días é A Bruxa Regañadentes: Tres irmáns, desatendendo as advertencias da nai, intérnanse nun bosque escuro e misterioso, onde calquera cousa pode suceder. O máis pequeno, temeroso e consciente do perigo, trata de avisar os dous máis vellos, pero cando ten que tomar unha decisión acaba por acompañalos. Como non saben o camiño de volta, deciden entrar na casa da bruxa, onde cheira a comida…
Fiz o coleccionista de medos, de Fina Casalderrey e Teresa Lima; A Figueira de Pelostortos, de Ana G.ª Castellano e Mikel Mardones ou Carabuñas, de Margarita del Mazo e Charlotte Pardi, son outras propostas da colección de OQO para este tempo no que os días minguan e a noite se vai facendo máis longa…
[…] Contos para asustar o medo, proposta de lecturas de OQO […]
[…] Contos para asustar o medo, proposta de lecturas de OQO […]
[…] Contos para asustar o medo, proposta de lecturas de OQO […]