Análise do funcionamento do cerebro en cativos de entre 4 e 10 anos.
Un equipo de investigadores da Universidade de Rochester (Nova York) analizou o funcionamento do cerebro de 27 nenos de entre catro e dez anos e 20 adultos de entre 18 e 25 anos cando vían Barrio Sésamo.
Mediante escáneres, os científicos cognitivos observaron como os cerebros dos nenos cambian a medida que se desenvolven habilidades intelectuais como a lectura e as matemáticas. O estudo destas imaxes mediante resonancia magnética funcional durante as actividades cotiás abre a porta á investigación doutros procesos do pensamento en ambientes naturais e podería algún día axudar a diagnosticar e tratar problemas de aprendizaxe.
Durante a investigación, publicada na revista Plos Biology, realizáronse 609 escaneos de cada participante mentres observaban á galiña Caponata, o Conde Draco, Elmo e outras estrelas da serie educativa. Usando algoritmos estatísticos, os investigadores crearon mapas neuronais dos procesos de pensamento dos nenos e dos adultos e comparáronse os grupos. O resultado: Os nenos cuxos mapas neuronais se parecían máis aos dos adultos puntuaron máis alto en matemáticas estandarizadas e probas verbais. Noutras palabras, a estrutura neuronal do cerebro desenvólvese ao longo de rutas predicibles a medida que maduramos.
Fonte: SINC
