Campaña de Amnistía Internacional na procura de voluntariado.
“O mundo necesita xente disposta a marcar a diferenza, pero non falamos de superheroes, falamos de ti: Porque non fai falla ser un superheroe para defender a xustiza e a liberdade”.
Así o expón a campaña de Amnistía Internacional, na procura de persoas que pensen que os dereitos humanos están “por enriba de todo” e que queiran achegar o que saben facer para construírmos un mundo diferente. “Non é necesario ter moito tempo nin ter grandes coñecementos”, advirten, indicando que non importa nin a idade nin o lugar de residencia. “Só cómpre ter gañas e entusiasmo: ser activista é sinxelo”.
O movemento internacional de Amnistía en prol dos dereitos humanos ofrece ducias de xeitos diferentes de participar. “Só ti podes ser Súper A, con ‘A’ de Activista.
Máis información: Como ser Súper A?