Inicio » Planeta Verde » Volve a Familia Trebón!

Volve a Familia Trebón!

Novos capítulos da serie multimedia para as aulas fornecida por Sogama.

A Familia Trebón regresa á rede con novos capítulos. E ao tema da xestión dos residuos urbanos únense desta volta outros temas de gran interese como o transporte limpo e o aforro enerxético. Ao longo do ano, novas aventuras desta serie orientada aos escolares de Infantil e primeiro ciclo de Primaria estarán dispoñibles na sección multimedia de Sogama e tamén no portal galego de educación Botóns.

A correcta xestión dos residuos seguirá centrando a atención da familia Trebón, cuxos integrantes farán fincapé na forma de reducir a inxente cantidade de lixo producido, de aproveitar os restos de comidas para a elaboración de novos menús e de facer compost doméstico no medio rural a partir da materia orgánica xerada. Ademais das boas prácticas ambientais, os personaxes principais desta iniciativa educativa divulgarán igualmente os valores vinculados á solidariedade, a amizade, a responsabilidade, a xenerosidade, a tolerancia e a igualdade.

Os Trebón coñecen o profesor Uxío e o seu Bilibús
Recordamos que no primeiro capítulo da serie, puidemos ver como a nave da familia Trebón, procedente doutra galaxia, tiña unha aterraxe un tanto accidentada na Terra, momento no que coñecen aos seus amigos e inician unha serie de aventuras. Pois ben, este segundo bloque de capítulos arranca co intento, por parte de Anselmo Trebón, de reparar a nave para proseguir a súa viaxe intergaláctica, momento no que entra en acción o profesor Uxío, inventor do Bilibus dos tres erres, co que os protagonistas viaxan á cidade, onde descobren a importancia de facer uso do transporte colectivo, así como á aldea, onde aprenden a importancia de fabricar compost doméstico a partir da materia orgánica producida, xerando un abono natural con excelentes propiedades para o solo. En ambos escenarios, a xestión dos refugallos estará presente en todo momento cos tres erres (redución, reutilización e reciclaxe).

Aquí podes ver tamén todos os capítulos da primeira tempada da Familia Trebón!

4 Responses to Volve a Familia Trebón!

  1. Pingback: Na Cidade co Bilibús do profesor Uxío | Botóns

  2. Pingback: Visita á granxa de Aurelio | Botóns

  3. Pingback: A familia Trebón volve para celebrar o Entroido! | Botóns

  4. Pingback: PLANETA VERDE: As aventuras da Familia Trebón | Botóns

Deixa unha resposta

O teu enderezo electrónico non se publicará Os campos obrigatorios están marcados con *


*