Presentados dous programas de inclusión laboral e sanitaria para as persoas con trastorno do espectro do autismo.
A Federación Autismo Galicia conmemorou o Día Mundial de Concienciación do Autismo coa presentación de dous programas de inclusión nos eidos laboral e sanitario, dous entornos clave para que as persoas con autismo poidan desenvolver unha vida normalizada.
Coincidindo co Ano Europeo da Participación Cidadá, Antonio de la Iglesia, Presidente de Autismo Galicia e de Autismo España, fixo especial fincapé na necesidade de unir esforzos para lograr unha sociedade activa e participativa para alcanzar a verdadeira igualdade dun colectivo numeroso aínda que descoñecido en gran medida. A denominación Trastornos do Espectro do Autismo (TEA) comprende un conxunto de síndromes neurobiolóxicos que afectan a 1 de cada 150 nenos en idade escolar. Estímase que só en Galicia, arredor de 2.000 persoas presentan un destes trastornos crónicos, que afectan principalmente ás capacidades sociais e de comunicación.
Facilitar o uso dos servizos sanitarios
As persoas con TEA teñen problemas á hora de expresar as súas dificultades e adoitan presentar especial sensibilidade aos ruídos, olores ou ao tacto, polo que é fundamental que os profesionais que os atenden nos centros de saúde coñezan estas características e poidan brindarlles unha atención de calidade.
Nun acordo pioneiro en Galicia, a Federación Autismo Galicia e a Facultade de Enfermería da Universidade de Santiago desenvolverán un programa de formación e sensibilización entre os estudantes do grao de enfermería e os usuarios do Centro de Día de Villestro de ASPANAES. Con este traballo conxunto, preténdese fomentar a familiarización entre os profesionais sanitarios e os pacientes con TEA para facilitar así o seu paso polos centros de saúde, un lugar que adoita resultar estresante e confuso para as persoas con autismo.
O traballo como forma de plena inclusión
A plena participación social pasa necesariamente pola inclusión laboral, unha meta que require do compromiso de toda a sociedade. Baixo esta premisa, Autismo Galicia presenta o programa de formación en habilidades sociolaborais, que ten como obxectivo axudar ás persoas con TEA a desenvolver as súas capacidades organizativas e sociais de cara á súa inclusión nunha empresa ordinaria.
Desearía recibir información, sobre vuestras actividades y la posibilidad de “escolarizar” a un niño de 14 años que tiene TRASTORNO XERAL DO DESENROLO ENCUADRABLE EN EL ASPECTRO AUTISTA. Actualmente está escolarizado en un IES y atendido unas horas por una profesora de PT.
Gracias por la información que me podais enviar.
Hola Asunción, moitas gracias polo teu interese.
Podes poñerte en contacto con nós mandándonos un correo electrónico a info@autismogalicia.org ou chamando por teléfono ao 981 589 365, en horario de 8 da mañá a 3 da tarde.
Esperamos poder axudarte.