Neste mes das Letras, Sogama achéganos un episodio moi especial da familia Trebón.
Vito, Lilia e Lucas están facendo un mural e os demais colocan adornos para unha festa. Disque hai unha celebración moi importante pero non queren dicirnos nada ata que rematen de preparar a sorpresa. Imos con eles?
Ademais, tedes outras dúas fichas a descarga para colorear nas aulas ou na casa: Lilia e Lucas lendo no bosque e Vito e Lilia rematando un mural do Día das Letras Galegas.
Recordámosvos que no Caderno Verde de Sogama podedes ver os capítulos anteriores das aventuras da familia Trebón e tamén podedes descargar ilustracións para colorear sobre este capítulo.
Da man da Sociedade Galega de Medio Ambiente (SOGAMA), están desde 2012 na internet galega as aventuras dun grupo de amigas e amigos moi especial que axudan a explicarlles aos máis cativos o que todos e todas podemos facer polo medio ambiente.
‘A familia Trebón no Planeta Verde’ é unha serie de contos en formato dixital que relata as ‘ecoaventuras’ protagonizadas polos cativos Lilia e Vito xunto cuns inesperados compañeiros chegados do espazo exterior: Carola Trebón, Anselmo Trebón e Lucas Trebón.
Podes consultar tamén a actividade de Sogama nas redes sociais:
[…] CAPÍTULO 27: O Día das Letras […]