Tes espírito científico? Gústanche os retos? Que tal dar resolver crebacabezas? Gústache viaxar?
Se respondiches afirmativamente ás catro preguntas anteriores, a partir do 29 de xaneiro podes poñer en práctica as túas emocións achegándoche ao Museo Nacional de Ciencia e Tecnoloxía (MUNCYT) na súa sé da Coruña.
Desde ese día e ata o 31 de marzo, na recepción do Museo atoparás un código QR dun metro cadrado, construído con 81 cubos de Rubik por Ernesto Fernández, campión de Europa e do mundo da modalidade Rubik’s Clock e varias veces campión de España do Cubo de Rubik. Non existe ningún outro QR no mundo con estas características!
O MUNCYT A Coruña e Ernesto Fernández, uníronse para propoñerlles un reto a todos os visitantes do Museo consistente en descubrir as mensaxes codificadas que agochan os 81 cubos que forman o mosaico. Para poder participar no reto non tes máis que ler as instrucións que che ofrecemos na ligazón adxunta (.pdf)
Se es capaz de resolvelo correctamente e envíasnos a túa resposta, entrarás no sorteo dun premio moi especial: un dos 20 cubos profesionais que Goliath Games Iberia SRL cedeu para a ocasión. Pero aínda hai máis, unha viaxe para dúas persoas á cidade española na que se celebre este ano o Campionato de España do famoso crebacabezas.