“O menor non debe ser un simple espectador pasivo do intercambio informativo na contorna sanitaria”, explica o doutor Iván Carabaño, xefe de Servizo de Pediatría do Hospital Universitario Rei Juan Carlos e o Hospital Xeral de Villalba, ambos en Madrid. Estes dous centros puxeron en marcha a iniciativa “Infórmame tamén”, co obxectivo de mellorar a comunicación cos nenos e nenas, entendendo que os pequenos pacientes tamén teñen dereito a recibir unha información clara sobre o seu proceso clínico.
A iniciativa foi impulsada polo Servizo de Pediatría, a Unidade de Calidade e a área de Atención ao Paciente con obxecto de normalizar o proceso de información clínica a pacientes en idade pediátrica para consolidar a cultura da información aplicada directamente sobre o neno. As enquisas realizadas aos pequenos incluídos no programa ofreceron unha conclusión fundamental: os nenos expresaron estar máis tranquilos tras recibir a información.
A enquisa realizouse de forma aleatoria a 100 nenos de entre 6 e 14 anos que acudiron ás consultas externas dos dous hospitais. Aos enquisados informóuselles en términos comprensibles para os nenos incluídos no rango de idade do estudo, incidindo especialmente en dous feitos: a importancia de presentarse debidamente aos pacientes pediátricos para que coñezan a identidade dos profesionais que lles atenden -achega proximidade-, e a importancia de recalcar se se vai solicitar ou non algunha proba complementaria co fin de controlar a incerteza. Posteriormente redactarase un documento de recomendacións de alta para pacientes pediátricos, nunha linguaxe comprensible e adaptado á idade destes.
Fonte: http://idcsalud.es/