Inicio » Actualidade » Como lucirían na actualidade os seus personaxes? Concurso ‘Andersen Hoxe’!

Como lucirían na actualidade os seus personaxes? Concurso ‘Andersen Hoxe’!

Como lucirían na actualidade os seus personaxes? Concurso ‘Andersen Hoxe’!Certame para alumnado de Primaria e Secundaria.

Cada 2 de abril conmemórase o nacemento do famoso escritor de contos Hans Christian Andersen, data sinalada no calendario para celebrar en todo o mundo o Día Internacional do Libro Infantil e Xuvenil. Ao fío desta xornada, a Organización Española para o Libro Infantil e Xuvenil (OEPLI) convoca un certame para o que, antes desa data, xa poden enviarse propostas.

BASES:
1. Poden participar todos os lectores e lectoras que estean a cursar Primaria ou primeiro ciclo de Secundaria, a través do seu centro docente ou desde a biblioteca.
2. Escoller un personaxe dun dos contos de Andersen que lesen.
3. Facer un debuxo dese personaxe tal e como o imaxinaría Andersen se estivese a escribir o conto na actualidade. Valorarase a orixinalidade, así que non deben copiarse ilustracións!
4. O debuxo deberá ir acompañado dun breve texto manuscrito (coma se fose para twitter), que non exceda os 140 caracteres, explicando o motivo polo cal o participante escolleu ese personaxe e as súas características. O formato dos traballos será de 17×12 cm (Aquí podedes descargar unha plantilla)
5. En todos os traballos deberán constar os datos de identificación dos seus respectivos autores: Nome e apelidos, idade, ano de nacemento e curso escolar, así como o nome do profesor/a ou bibliotecario/a, o enderezo e o teléfono do centro e un correo electrónico de contacto.
6. Deberán figurar tamén os datos do libro do cal elixiron o personaxe, por se non coincide co título do libro.
7. Os centros docentes e bibliotecas deberán seleccionar un máximo de tres traballos por categoría, segundo o seu bo criterio, e entregalos directamente ou ben remitilos por correo postal ou por correo electrónico antes do día 2 de abril aos seguintes enderezos, en función da súa residencia e/ou o seu ámbito lingüístico. No caso galego, o enderezo é:

Gálix. Centro de Emprendemento. Cidade da Cultura de Galicia. Monte Gaiás, s/n. 15707. Santiago de Compostela. galix@galix.org

8. Establécese un premio para cada unha das seguintes categorías e ámbito lingüístico:

  • Primeiros lectores (1º, 2º e 3º de Primaria)
  • Lectores Avanzados (4º, 5º e 6º de Primaria)
  • Superlectores (1º e 2º de Secundaria)

9. Cada un dos premios estará dotado cun diploma e lote de libros para os premiados e a entidade (biblioteca ou centro docente) que presente os traballos.
10. O xurado cualificador estará integrado por representantes de cada unha das seccións da OEPLI.
11. O fallo do Premio terá lugar no mes de maio e a entrega organizarase a través das seccións da OEPLI.
12. Non serán devoltos os orixinais aos seus respectivos autores e autoras unha vez fallado o concurso. A OEPLI poderá usar os debuxos gañadores en diferentes soportes e usos relacionados co Día Internacional do Libro Infantil e Xuvenil, previa autorización dos proxenitores/titores, sen que iso dea dereito a retribución algunha para os concursantes.
13. A presentación de orixinais para o concurso supón a aceptación e conformidade con estas bases.

One Response to Como lucirían na actualidade os seus personaxes? Concurso ‘Andersen Hoxe’!

  1. Pingback: Andersen hoxe? Así o imaxinaron nas bibliotecas galegas | Botóns

Deixa unha resposta

O teu enderezo electrónico non se publicará Os campos obrigatorios están marcados con *


*