A pequena vendedora de mistos e o patiño feo foron os personaxes elixidos polas alumnas gañadoras do certame de Gálix.
Xa temos o resultado do concurso “ANDERSEN HOXE” convocado pola OEPLI a través das súas seccións: Asociación Galega do Libro Infantil e Xuvenil, Consejo General del Libro, Consell Català del Llibre Infantil i Juvenil e Galtzagorri Elkartea, co patrocinio do Ministerio de Educación, Cultura e Deporte, para conmemorar a celebración do DÍA INTERNACIONAL DO LIBRO INFANTIL.
Recordámosvos que o certame consistía en escoller un personaxe dun dos contos de Andersen e facer un debuxo dese personaxe tal e como o imaxinaría Andersen se estivese a escribir o conto na actualidade. Os nenos e as nenas participaron a través do seu centro docente ou biblioteca da súa poboación en tres categorías
As gañadoras do concurso “Andersen hoxe” son:
PRIMEIROS LECTORES
Cristina Garrido Vázquez. Biblioteca “Os Templarios”. Cambre (A Coruña)
LECTORES AVANZADOS
· Ángela Fontecoba Fernández. Biblioteca “Os Templarios”. Cambre (A Coruña)
SÚPER LECTORES
· Katia Tojo Soto. Biblioteca “Ánxel Casal”. Santiago de Compostela (A Coruña)
