Novo curso no Caderno Verde, acompáñasnos?
O Caderno Verde de Sogama inicia nova etapa, desta volta tamén con contidos interactivos. Na súa estrea este curso, lémbranos algunhas das amigas e amigos de Vilaverde ao tempo que afondamos nalgunhas claves básicas das boas prácticas ambientais no día a día.
Por exemplo, Brais aprende palabras novas. Vexamos…
- Se cerramos a billa da auga cando lavamos os dentes, aforramos auga.
- Se compramos froita que non leva bandexa nin está envolta en plástico, evitamos xerar máis lixo.
Os dous anteriores son exemplos de…?
REDUCIR?
RECOLOCAR?
REPARAR?
Acórdaste das nosas amigas e amigos? Recordámolos xuntos? Imos ver!