Dous anos despois da súa morte e cumpríndose 80 anos do seu nacemento, o MARCO inaugura unha ambiciosa retrospectiva da obra deste fotógrafo tardiamente descuberto para o público.
Lugar: Vigo, no Museo de Arte Contemporánea de Vigo (MARCO)
Data: deica o 24 de abril
Horario: martes a sábados (festivos incluídos) de 11h00 a 21h00, domingos, de 11h00 a 15h00
O valor artístico e social que reúne o traballo fotográfico de Virxilio Viéitez (Soutelo de Montes, 1930-2008), convérteo, segundo os expertos, nun dos grandes da fotografía mundial.
Un recoñecemento unánime que lle chegou moi tarde a Viéitez. É a finais dos anos 90 cando comeza a ser coñecida, logo de que súa filla, Keta Viéitez, expuxese por vez primeira as fotografías do pai nunha mostra autoproducida e presentada en 1997 no seu pobo natal. Un ano despois, a súa obra gaña gran proxección logo da presentación dunha escolma na Fotobienal, comisariada por Manuel Sendón e Xosé Luis Suárez Canal.
A mostra que chega ao MARCO recolle 293 fotografías expostas en salas —261 en branco e negro e 32 a cor— das que máis da metade son traballos inéditos, ás que se suman os 142 vintage exhibidos en vitrinas. Unha sala biográfica e a proxección do documental Virxilio Vieitez. Más allá del oficio, realizado por José Luis López Linares en 2005, con entrevistas a Virxilio e á súa filla Keta Vieitez, completan o discurso expositivo.
Información e recursos:
- Na web do MARCO: Virxilio Viéitez: resumo e guía de imaxes
- En CulturaGalega.org: Virxilio, o fotógrafo de Soutelo
- Na web do Centro de Estudos Fotográficos (CEF), artigo de Manuel Sendón e Xosé Luís Suárez Canal: Virxilio Viéitez, biografía e galería de imaxes
- Na web do Concello de Forcarei: Virxilio Viéitez, o mellor retratista da realidade dunha comarca
Vídeo na RTVE: Adeus a Virxilio Viéitez (Duración 1’22”)
A mirada da miña terra e unha persoa excepcional.
Nestas fotos está retratada a xente da miña terra.