A entidade asina coa Xunta un proxecto de colaboración para a prevención da violencia de xénero.
Preescolar na Casa integrará na súa programación educativa do curso liñas específicas sobre o valor da non violencia nun formato accesible e doado para as familias, distribuirá material específico con conceptos básicos relacionados coa prevención da violencia de xénero e fomentará espazos de comunicación e intercambio entre as persoas participantes sobre actitudes e valores non sexistas.
As accións formativas terán lugar en localidades das catro provincias a través do equipo profesional da Fundación Preescolar na Casa, co obxectivo de que tanto as familias como as nenas e nenos participantes aprendan estratexias para análise e a resolución de conflitos e para unha convivencia baseada no respecto e a tolerancia.
A iniciativa é froito dun convenio asinado recentemente pola secretaria xeral da Igualdade, Marta González, e a presidenta da Fundación Preescolar na Casa, Ermitas Fernández.
