Un feixe de actividades que o museo divulgativo coruñés deseñou para o estímulo dos “pequenos científicos”.
Os participantes explorarán a ciencia nas súas contornas máis próximas: en outubro houbo experimentos relacionados coa cociña; en novembro e decembro explorarán o baño; en xaneiro, o patio; en febreiro, o parque de atraccións; marzo estará dedicado ao campo; e en abril as actividades estarán relacionados coa praia. Ademais, haberá sesións especiais nas vacacións escolares de Nadal.
ExploraDomus é unha actividade dirixida a nenos e nenas de entre 6 e 10 anos, e ten lugar na Domus (c/ Santa Teresa 1. A Coruña) os sábados e domingos de 17:00 a 18:30 horas.
Para participar hai que inscribirse previamente chamando ao teléfono 981 189 840. A tarifa é de 1 euro por participante (gratis para socios da Asociación de Amigos da Casa das Ciencias e para titulares da Tarxeta 20).
