O Clube Ciclista Vigués organiza a primeira bici-ruta de inverno

Bici rutas en VigoEste domingo 8 de xaneiro, cun trazado sinxelo á beira da ría.

Será un itinerario paralelo á ría, dirección sur, cun perfil moi plano e doado para todas as idades, malia que, pola distancia e algúns tramos, recoméndana para rapaces maiores de 10 anos.

Esta primeira saída do inverno será ás 10h30 do domingo 8 de xaneiro desde o Paseo de Montero Ríos (Náutico) e deica Cabo Estai.

Recorrido completo
Paseo de Montero Ríos, Avenida de Beiramar, Parque Eduardo Cabello, Rúa Santo Cristo, Igrexia de Bouzas, Paseo Paz Andrade, Rúa de Roade, Avenida de Atlántida, Avenida de Samil, Rúa de Canido, Rúa Arquitecto Gómez Román, Rúa Arquitecto Cominges, Cabo Estai. PARADA. Rúa Arquitecto Desiderio Pernas, Rúa Arquitecto Cominges, Rúa Arquitecto Gómez Román, Rúa de Canido, Avenida de Samil, Cño. da Garita, Cño. das Fontes, Avenida de Samil,  Avenida de Atlántida, Rúa Camilo Veiga, Rúa Tomás Alonso, Praza da Industria, Rúa Coruña, Avenida de Beiramar, Paseo de Montero Ríos.
As rutas organizadas polo Clube Ciclista Vigués – Autronic veñen gañando adeptos desde o inicio da actividade a pasada primavera. As vindeiras propostas serán os días 22 de xaneiro e 5 de febreiro, con saída á mesma hora e desde o mesmo lugar.

COMPARTIR

Deixar un comentario

Por favor, introduce o teu comentario!
Por favor, introduza o seu nome aquí

*