O Ano Europeo do Voluntariado dá paso neste 2012 a un novo obxectivo de sensibilización por parte da Unión Europea.
Manter a solidariedade interxeracional en sociedades nas que aumenta rapidamente o número de persoas maiores é un dos eixos de acción da convocatoria definida como tema de acción pola Unión Europea (UE) desde este 1 de xaneiro de 2012. É deste xeito que se convocou o Ano Europeo do Envellecemento Activo e da Solidariedade Interxeracional.
Envellecemento activo significa:
- darlles ás persoas maiores a posibilidade de participaren plenamente na sociedade
- fomentar as súas oportunidades de emprego
- permitirlles contribuír activamente a través do voluntariado (por exemplo como coidadores familiares)
- permitirlles vivir con independencia adaptando la vivenda, as infraestruturas, la tecnoloxía e o transporte.
Xa que logo, é obxectivo da UE para este ano que agora comeza mostrar a achega das persoas maiores á sociedade e potenciar a adopción de novas políticas orientadas a promover un envellecemento activo sensibilizando á cidadanía neste sentido. Unha meta na que tamén é importante a educación dos máis novos no respecto aos maiores.
