O IES Perdouro convoca ademais un concurso de banda deseñada coincidindo co evento.
Cambiando bocadillos por chocolate comezou o pasado mércores 18 de xaneiro na biblioteca do IES Perdouro, en Burela o IV Encontro de Banda Deseñada. Aproveitouse ademais para presentar o 3º número da revista ‘BandaDesexada’, onde se poden ver os traballos gañadores da anterior terceira edición.
Con tema libre, queda aberta unha nova convocatoria do concurso, con tres posibilidades: para calquera persoa que non gañara en anos anteriores, para alumnado de 15 a 18 anos e para alumnado de ata 14 anos.
O prazo de recepción de traballos remata o próximo 20 de marzo de 2012.
