Do 5 ao 10 de marzo e en liña, intercambiando experiencias desde todas as partes do planeta.
Conectar, reunir, crear, compartir… Son ideais arredor dos cales se move esta convocatoria, Open Education Week, que pretende xuntar esforzos e coñecemento sobre o movemento a prol da educación aberta e o seu impacto no ensino e a aprendizaxe en todo o mundo.
Haberá eventos e seminarios en liña diversos, foros de discusión e presentación de propostas relacionadas coa vontade de proporcionar recursos educativos en aberto e accesibles a todo o mundo. Está prevista a participación de máis dun cento de colectivos e institucións de todo o mundo. Por exemplo, participarán algúns relevantes actores internacionais da promoción do coñecemento aberto, como o Massachusetts Institute of Technology ata a Fundación Mozilla, entre outros.
