Baseado nas “Folk Songs” de Luciano Berio. Música contemporánea e canción popular como camiño de ida e volta.
O Taller Atlántico Contemporáneo, dirixido por Diego García Rodríguez, ofrece un concerto didáctico baseados nas ‘Folk Songs’, un ciclo de once cancións compostas por Luciano Berio.
Este mércores 7 de marzo en dous pases: ás 10h e ás 12h. No Auditorio de Galicia, en Santiago de Compostela.
Que imos escoitar?
As Folk Songs (“Cancións folk”) son un ciclo de once cancións, a meirande delas pertencentes a música popular ou tradicional de distintos países e arranxadas para ser interpretadas cunha plantilla formada por voz de soprano, frauta (alternado con pícolo), clarinete, arpa, viola, violonchelo e percusión (dous intérpretes).
