Actividade da Biblioteca Neira Vilas, en Vigo, para os máis cativos.
Entre arrolos e contiños os nenos compartirán con aqueles que os coidan un momento de pracer, lonxe do ruído e os quefaceres cotiáns; espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.
A iniciativa está deseñada para un máximo de 30 nenos e nenas de entre 12 meses e 3 anos e os seus acompañantes.
Terá lugar ás 12h na Biblioteca Xosé Neira Vilas (Avd. Martínez Garrido 21, 36205 Vigo) o sábado 26 de maio.
