Aira das Letras: recollida de xoguetes e xornadas infantís

Actividade en Allariz da man desta libraría xunto co Ateneo e a asociación Puzzle.

O Ateneo Libertario de Allariz, coa colaboración da Asociación Puzzle e a Libraría Aira das Letras, está organizando unhas xornadas infantís, para o mes de outubro, nas que se inclúen xogos e actividades diversas.

Aqueles veciños que o desexen poderán achegar os seus xoguetes usados ao local do Ateneo, sito na Rúa Castelo 10 (tras a Igrexa de Santo Estevo). Recolleranse ata o día 28 de setembro, os martes, mércores e venres de 19:00 a 20:00 h, e os xoves de 13:00 a 14:00 h.

Ao remate destas xornadas, farase un sorteo dos xoguetes recollidos para todos os nenos e nenas participantes nas actividades.

Ademais, Aira das Letras regálalle un vale desconto de 1 €, para calquera compra na libraría, a cada neno que leve xoguetes.

COMPARTIR

Deixar un comentario

Por favor, introduce o teu comentario!
Por favor, introduza o seu nome aquí

*