Este xoves ábrese o prazo de recepción de materiais innovadores, aptos para uso e difusión en internet.
O Ministerio de Educación, Cultura e Deporte, a través do Instituto de Tecnoloxías Educativas e de Formación do Profesorado (INTEF), publica a convocatoria dos Premios a materiais educativos innovadores, aptos para uso e difusión en internet.
Os recursos educativos deberán axustarse nos seus contidos curriculares á normativa vixente nos diversos niveis educativos. O xurado valorará especialmente o deseño pedagóxico e a súa relevancia, facilitación de aprendizaxes significativos, carácter multimedia e interactivo do recurso, adecuación tecnolóxica e facilidade de manexo, entre outros criterios. Os materiais premiados serán publicados baixo licenza Creative Commons.
O prazo estará aberto durante vinte días desde este mesmo xoves 11 de outubro.
