Representación do CEIP Infante Felipe de Salvaterra de Miño e o IES Terra de Turonio no evento.
“Metidos en el Cuento” é o lema da edición número oito do Encontro de Comunicación Escolar que organiza a asociación AIRE-Colombia e que coordina o colexio Gimnasio del Norte de Bogotá. Un lema que, xustamente coincide co tema tratado na XVIII edición de Ponte…nas ondas! en 2012.
O Ceip Infante Felipe de Salvaterra de Miño e o IES Terra de Turonio de Gondomar representarán a Ponte…nas ondas! neste encontro de comunicación internacional. A xornada comeza este xoves 25 cun encontro presencial no Colexio Gimnasio del Norte de Bogotá e continúa o venres 26 coa programación on line de 24 horas realizada pólos centros educativos.
Esta nova edición contará coa participación de emisoras escolares de AIRE Colombia, AIRE Chile e AIRE Argentina, o proxecto Periodismo escolar en internet e Radiobit de Arxentina, Ponte…nas ondas! e emisoras comerciais de Colombia.