Campaña para animar os adolescentes xitanos a concluíren a Secundaria.
Só dous de cada dez nenas e nenos xitanos que comezan o Ensino Secundario conseguen terminalo.
É fronte a eses datos que a Fundación Secretariado Xitano decidiu lanzar a campaña de sensibilización “Xitanos con Estudos, Xitanos con Futuro”. Afirman desde a Fundación que aínda máis neste contexto a crise económica está tendo “un impacto profundo nas persoas xitanas, como parte dos grupos máis desfavorecidos e excluídos”. Nese sentido, subliñan que “hai que apostar máis ca nunca por accións de promoción e inclusión social como esta, centrada en reducir o abandono escolar”. “A educación é a mellor ferramenta para lograr a inclusión social”, salientan.
Máis información na web da campaña: Xitanos con estudos, xitanos con futuro.
