Coche eléctrico, capturadores solares… premios no Galiciencia

tecnopole - GalicienciaChicles nutritivos, cociñas solares… Éxito da feira científica na Tecnópole.

O sistema electrónico do prototipo de coche eléctrico presentado na ‘Galiciencia 2012’ foi o gañador absoluto do certame organizado pola Tecnópole. Este proxecto foi o vencedor na categoría de Bacharelato e gañador absoluto por impoñerse en puntuación aos dos outros dous equipos gañadores nas categorías de 1º e 2º ciclo da ESO. Pablo Dobarro e Carlos Almuiña, do IES Rosalía de Castro (Santiago de Compostela), fixéronse moi populares en Tecnópole co seu prototipo durante toda a feira, facéndoo circular polas inmediacións e mostrando todas as súas funcionalidades na práctica.

Os gañadores na categoría de 1º ciclo da ESO, Marcos Dalmeida e Gabriel Dapena, do Colexio Alborada de Vigo, foron galardoados por un estudo sobre capturadores solares construídos con distintos metais (cinc, aceiro, ferro galvanizado e aluminio), para comprobar que metal é máis eficiente na recepción e transmisión da calor do Sol. A conclusión do seu estudo foi que o ferro galvanizado é a opción máis eficiente.

Na categoría de 2º ciclo da ESO resultou gañador un proxecto sobre cociñas e fornos solares defendido por Beatriz Rodríguez e Estefanía Villar, do IES Terra de Trasancos (Narón, A Coruña). As alumnas levaron os seus prototipos á ‘Galiciencia’, construídos con materiais sinxelos e doados de conseguir, como cartón, papel de xornal e papel de aluminio.

Todos eles viaxarán á Exporeçerca, a feira científica de ámbito estatal que se celebra en Cataluña.

Deixar un comentario

Por favor, introduce o teu comentario!
Por favor, introduza o seu nome aquí

*