Incorpórase a temática navideña ás sesións de animación á lectura, obradoiros
e espectáculos.
Alén das actividades periódicas que xa organizan as bibliotecas nodais, estes días haberá algunhas iniciativas especiais para recibir o Nadal:
as actividades dos sábados xirarán na biblioteca González Garcés da Coruña o día 22 arredor da historia do Apalpador, da man de Títeres Cachirulo; e na nodal de Vigo sobre os cánticos para estas datas, con ‘O Quiquiriquí’, de Barafunda. O mesmo día, o Apalpador visitará a biblioteca Ánxel Casal (Santiago de Compostela), onde recollerá as cartas dos máis pequenos e repartirá larpeiradas. Pola súa parte, a nodal de Lugo organiza o certame de poesía infantil ‘Nadal 2012’.
A biblioteca pública Antonio Odriozola, en Pontevedra, prepara a chegada de Papa Noel co espectáculo de teatro ‘A fábrica de xoguetes’, que o 14 de decembro, a cargo de Teatro do Miolo. Para a mesma xornada, a Ánxel Casal ten preparado un obradoiro de xoguetes reciclados, que será impartido polo alumnado do ciclo de animación sociocultural do IES Pontepedriña; mentres que para o día 21 a actividade especial nesta biblioteca será teatral, da man de Teatro Garabullo e ‘O gorrión Valentino’.
