Este venres 25 de xaneiro, no CGAC, en Santiago de Compostela.
O 25 de xaneiro, o CGAC en colaboración co Colexio de Arquitectos de Galicia e a Asociación de Pais de Persoas con Transtorno de Espectro Autista da provincia da Coruña, organizará un taller experimental de arquitectura en torno á exposición do artista Fernando Casás.
A partir do Sistema Lupo do arquitecto Fermín Blanco- baseado en pezas modulares para a construción de maquetas- os nenos e nenas con trastorno de espectro autista, poderán traballar en relación á obra de Fernando Casás vinculada ao universo, creando formas xeométricas e fantásticas. O obradoiro desenvolverase entre as 11 e as 13h30.
