Un total de 40 estudantes recibiron recentemente os galardóns que recoñecen o seu rendemento académico “excepcional” no curso 2011-2012.
Os premios extraordinarios de educación secundaria obrigatoria ao rendemento académico e os premios de educación secundaria obrigatoria ao esforzo e á superación persoal entregados xusto antes das vacacións da Semana Santa, recoñecen o labor do alumnado que estudou durante o curso 2011-2012 cuarto curso de educación secundaria obrigatoria no réxime ordinario en calquera dos
centros de Galicia. Premiáronse en total 20 estudantes da ESO polo seu “rendemento académico excepcional” e outros 20 polo seu “esforzo e superación persoal”. No mesmo acto tamén recolleron os seus galardóns os gañadores galegos da XIII edición do Concurso Hispanoamericano de Ortografía.
Esforzo e dedicación
Para seren merecedores dos galardóns ao rendemento académico, os candidatos debían contar cunha
media nas cualificacións dos catro cursos da ESO igual ou superior a 9 puntos, ademais
de superar unha proba específica para acadar o premio. Aproba, valorou obxectivos e competencias básicas acadadas nas materias de lingua galega e literatura, lingua castelá e literatura e primeira lingua estranxeira, ciencias sociais, xeografía e historia, matemáticas; e unha a escoller de entre física e química, música, bioloxía e xeoloxía, educación plástica e visual, tecnoloxía ou latín.
Resultaron premiados 5 estudantes da provincia da Coruña, do colexio plurilingüe La Salle e colexio Manuel Peleteiro – ambos de Santiago de Compostela- e colexio plurilingüe Compañía de María (A Coruña); 4 estudantes da provincia de Lugo, dos IES Nosa Señora dos Ollos Grandes (Lugo), IES Santiago Basanta Silva (Vilalba) e IES Pedregal de Irimia (Meira); 2 estudantes da provincia de Ourense, dos IES As Lagoas (Ourense) e CPI Terras de Maside (Maside); e 9 alumnos da provincia de Pontevedra, dos IES Frei Martín Sarmiento, IES Sánchez Cantón, IES Gonzalo Torrente Ballester – os tres da cidade de Pontevedra- do IES Carlos Casares (Vigo), IES María Soliño (Cangas), colexio Los Sauces (Mos), IES Marco do Camballón (Vila de Cruces), e colexio plurilingüe Las Acacias (Vigo).
Concurso de Ortografía
Por outro lado, entregáronse os galardóns da fase galega do XIII Concurso Hispanoamericano de Ortografía 2012. Na proba obtivo o primeiro premio Fernando Castro Prado, do IES
Rosalía de Castro de Santiago quedando en segundo lugar Felipe Manuel González Fernández, do colexio Mariano de Vigo (Pontevedra).
