Espazo web colaborativo para a peneira do repertorio tradicional galego.
Veñen de comunicarnos do abrollo deste sitio web para a difusión da cultura musical tradicional galega. Segundo contan, na primeira fase do proxecto estanse a publicar partituras dixitais de repertorio tradicional galego e exercicios para o aprendizaxe de diferentes instrumentos musicais.
A Muiñeira de Trasmonte, A Balastreira, A Jota de Carelle, O Valse de Vilar do Mato, O Pasarrúas do Seixal, O Valse do Coxo, A Jota de Outeiro… Son algunhas das últimas pezas subidas á Folkoteca. Trátase dunha iniciativa sen ánimo de lucro para facilitar a aprendizaxe e divulgación neste eido e os promotores convidan a quen queira a participar no proxecto.
Propón material, revisa, comenta ou fai a túa pequena aportación económica para os custos do servidor para este ano: http://getyourcause.com/es/cause/Folkoteca-Galega-2014-40
É un obxectivo humilde, 221€, por ter a disposición de todo o mundo un pedaciño da nosa cultura.