Punto de encontro en Compostela para a divulgación sobre o ambiente entre a cidadanía.
O Centro de Interpretación Ambiental de Compostela (CIAC) vén de ser relanzado, co obxectivo de funcionar como espazo dedicado á mellor comprensión da cidade de Santiago, do seu medio natural e da necesidade da súa preservación cara ás novas xeracións.
Á exposición permanente existente sumarase un programa de actividades composto por visitas guiadas ao centro, exposicións temporais, cursos, obradoiros e paseos guiados por Compostela para descubrir diversos aspectos da súa ecoloxía urbana.
O CIAC terá un horario diferenciado en inverno e verán. Así, do 1 de outubro ao 14 de xuño, estará aberto sábados, domingos e festivos de 10:30 a 14:00 e de 16:30 a 19:00 horas. De luns a venres unicamente se realizarán visitas concertadas. Do 15 de xuño ao 30 de setembro, estará aberto de martes a venres, de 17:00 a 19:00 horas, e o sábados, domingos e festivos, de 11:00 a 14:00 e de 17:00 a 19:00 horas. As mañás de martes a venres só haberá visitas concertadas. Os luns, o centro permanecerá pechado.
Máis información na súa web: CIAC
