O voluntariado como actitude e mirada solidaria ao mundo.
Santiago de Compostela acollerá o programa “O voluntariado como actitude e mirada solidaria ao mundo”, desenvolvido pola ONG Intered.
O curso Taller de formación de voluntariado celebra este ano a súa 17ª edición como un espazo que ten por obxectivo espertar a conciencia e o pensamento crítico ante as realidades do noso mundo e fomentar estilos de vida comprometidos a través da participación social e o voluntariado.
Desde hai máis de 17 anos InteRed ofrécelle formación a persoas interesadas na acción voluntaria a nivel estatal e internacional en Dereitos Humanos, cooperación e Educación para o Desenvolvemento, Interculturalidade, equidade de xénero, e metodoloxías da Educación para o Desenvolvemento como son os xogos cooperativos e as técnicas lúdico teatrais.
A ONG de Desenvolvemento InteRed, entende o voluntariado como un xeito de estar na sociedade, en palabras da responsable de voluntariado da organización, María José Navarro:
“Trátase de persoas que coidan doutras persoas e que perseguen a xustiza desde unha actitude crítica. Son quen poñen no centro da vida a afectividade e son conscientes do seu poder transformador. Persoas que se deixan transformar e que desde a humildade e o exemplo procuran a felicidade de todas as persoas”, expón a responsable de voluntariado da organización, María José Navarro.
- Santiago de Compostela. Del 19 de octubre al 29 de marzo. Lugar de celebración: Praza do Matadoiro, 7
En que horario vai ter lugar o curso?