TAC 3.0 é un novidoso ciclo de concertos en liña para o que se abriu prazo de inscrición.
TAC 3.0 é un ciclo de cinco Concertos en streaming dende o Teatro Principal de Santiago. A iniciativa está dirixida a concellos, escolas, asociacións, conservatorios, etc. De xeito complementario, haberá sesións didácticas para o achegamento da mocidade á música. O prazo de inscrición abriuse este 1 de outubro e os concertos vanse celebrar, un por mes, entre os meses de xaneiro e maio de 2014. De
Os concertos farán repaso dalgúns dos momentos máis importantes da música clásica actual. Stravinski, Crumb, Berio… cun formato no que os músicos do TAC interactuarán con personalidades da escea teatral e musical galega como Carlos Blanco, Quico Cadaval e Julián Hernandez.
OS CONCERTOS:
1.IGOR STRAVINSKY/ C. F. RAMUZ, A Historia do Soldado
Obra lida e tocada, en dúas partes. Un dos clásicos da música clásica moderna.
2.FERNANDO BUIDE, Movemento para septeto
LUCIANO BERIO, Folksongs
Viaxe musical polas músicas do mundo.
3. TOM JOHNSON, A Ópera de Catro notas
Ópera cómica, con posta en escea de Quico Cadaval.
4.XACOBE GASPAR, Ámbar
G: CRUMB, Vox Baelenae
JOHANN STRAUSS / ARNOLD SCHÖNBERG,
Kaiser-Walzer op. 437
Vangardas musicais e valses vieneses.
5. POP RE-VISITED (Siniestro Total, Bob Dylan, Elvis)
Javier López de Guereña, Visita Turística a”The Land of Opportunity”
John Corigliano, Mr. Tambourine Man: 7 Poems of Bob Dylan
Michael Daugherty, Dead Elvis
Visións musicais do Pop e o Rock.
Toda a información na web www.tactrespuntocero.net