Roteiros H2O

courelO 27 de outubro primeira camiñada pola Devesa da Rogueira.

ADEGA-Lugo coordina os roteiros da Deputación de Lugo neste último trimestre de ano. Serán tres, un por mes, e estarán dedicados a un elemento fundamental para a vida, a AUGA, e ás funcións que desempeña nos espazos naturais lucenses.

Da man de ADEGA-Lugo, visitaremos espazos ou territorios recoñecidos ambientalmente con figuras como a Reserva da Biosfera ou Rede Natura. As andainas de outubro e novembro percorrerán as montañas orientais da provincia de Lugo, a Serra do Courel e os Ancares; e o terceiro será por terras chans, en Guitiriz. Darémoslle sentido a través do noso ollar as evocacións que titulan este programa de roteiros e que suxiren diversas interpretacións: “augas levadas”, “augas que furan” e “augas que curan”.

Os roteiros son de balde para os participantes, os cales só deberán levar comida para o camiño e roupa e calzado axeitados. 

A Devesa da Rogueira, primeira camiñada
O domingo, 27 de outubro será o primeiro “Roteiro H2O” no que poderemos coñecer un dos lugares máis emblemáticos do Courel: A Devesa da Rogueira, un espazo de gran riqueza ecolóxica.  A súa frondosa vexetación empezou a medrar, tras a retirada dos últimos xeos, dun grandioso circo glaciar da aba norte da Serra do Courel ao pé do cumio máis alto, Formigueiros. Neste singular lugar degustaremos nun magosto un dos produtos máis valorados do Courel: as castañas. 

Axudaranos a percorrer estes montes Orlando de “SOS Courel”. A  lonxitude será de 10 km e a dificultade media, cun  considerable desnivel no último tramo.
Reserva de praza e saída
O roteiro será o domingo, 27 de Outubro. O autobús sairá de diante da Facultade de Formación do Profesorado de Lugo ás 9.00 h. 

Para reservar a túa praza debes cumprimentar o formulario que aparece na sección Terras do Miño da web da Deputación de Lugo: www.deputacionlugo.org, ou acceder directamente a el a través da seguinte ligazón:http://www.deputacionlugo.org/formulariosDeputacion/terrasmino_riorato13.html 

A reserva debe facerse, polo menos, con 4 días de antelación á data do roteiro. Se precisas aclarar algunha dúbida sobre a reserva, podes chamar ao 982 22 78 12.

COMPARTIR

Deixar un comentario

Por favor, introduce o teu comentario!
Por favor, introduza o seu nome aquí

*