Vía Adega coñecemos desta actividade ambiental para a última semana de xaneiro na Universidade da Coruña.
O lugar de encontro será a entrada principal da Facultade de Ciencias.
Os labores a realizar serán:
-Plantación das árbores que ten o Departamento de Botánica da UDC. Serán unha ducia de árbores que distribuiremos na contorna da zona onde se construíu a charca o curso pasado. -Acondicionamento da charca. Desenvolveranse traballos de reconstrución das marxes da charca e dos elementos que estean deteriorados. Procederase tamén a plantar especies e flora acuática para favorecer a súa colonización. Estas especies serán transplantadas da zona de depuración or humidal que hai no campus da UDC.
-Colocación de caixas niño.
Lugar de realización: Monte da Fraga.
É preciso traer o xantar, ademais de calzado e roupa de traballo.
Os/as participantes contarán coa ferramenta axeitada para o desenvolvemento da actividade
As prazas son limitadas, polo que é necesario inscribirse: Correo-e: oma3@udc.es