Convocatoria de Adega para os días 6, 7 e 8 de xuño.
Con motivo do día Mundial dos Océanos, e dentro da iniciativa europea “Limpemos Europa”, o colectivo ecoloxista Adega organiza a III Limpeza Simultánea de praias . A iniciativa conta co apoio da Fundación Biodiversidad do Ministerio de Agricultura, Alimentación e Medio Ambiente, dentro do Programa Playas, Ríos, Voluntariado e Custodia do Territorio.
Con esta convocatoria ADEGA dalle continuidade ás limpezas realizadas en 2012 e 2013 que sumaron centos de persoas neste día de reivindicación e voluntariado ambiental. Centros de ensino, escolas de surf, centros de mergullo, clubes de piragüismo, vela, pescadores, asociacións de todo tipo, concellos ou grupos de particulares están chamados a limpar as praias e denunciar esta problemática ambiental.
Se queres participar contacta con Adega.
Na web de Adega: entidades participantes e mapa de praias